ភ្នំបូកគោ
គឺជាកន្លែងមួយ
ដែលទើបបង្កើតថ្មីអាចទាក់ទាញ
ភ្ញៀវទេសចរណ៍បានច្រើនហើយ
នៅទីនោះមានទេសភាពល្អមាន
ខ្យល់បរិសុទ្ធក្នុងរដូវបុណ្យចូលឆ្នាំខ្មែរ ប្រពៃណីជាតិ
កន្លងទៅនេះ រមណីយដ្ឋានភ្នំបូកគោ ដែលមានទីតាំង
ស្ថិតនៅក្នុងស្រុកទឹកឈូ ខេត្តកំពត សម្បូរទេសភាព
ស្រស់ត្រកាលហ៊ុមព័ទ្ធដោយរុក្ខជាតិខៀវស្រងាត់
និងដុំពពកក្រាស់ឃ្មឹកដូចអ័ព្ទ
ទទួលបានចំណាប់អារម្មណ៍យ៉ាងខ្លាំងពីសំណាក់ភ្ញៀវទេសចរ
ជាតិនិងអន្តរជាតិ ក្នុងការទៅទស្សនាកម្សាន្តសប្បាយ ប៉ុន្តែ ជាអកុសល ដោយសាររមណីយដ្ឋាននេះ ខ្វះជម្រក និងកន្លែងសម្រាប់បន្ទោបង់ ធ្វើឱ្យភ្ញៀវជាច្រើន ដែល ទៅទស្សនាមានការត្អូញត្អែរ និងថ្នាំងថ្នាក់យ៉ាងខ្លាំង...។
លោកសយ ស៊ីណុល ប្រធានមន្ទីរទេសចរណ៍ ខេត្តកំពត បានឱ្យដឹងថា ក្នុងរយៈពេល៥ថ្ងៃ ចាប់ពីថ្ងៃទី ១៣ ដល់១៧ ខែមេសា ឆ្នាំ២០១១ មានភ្ញៀវទេស- ចរមកពីតាមបណ្តាខេត្តនានា នៅក្នុងប្រទេស បាន ឡើងទៅលេងកម្សាន្ត នៅរមណីយដ្ឋានភ្នំបូកគោ សរុបចំនួន៤៧.៤៦៩នាក់ ក្នុងនោះមានចំនួន៣៧៧ នាក់ ជាជនបរទេស។
លោកសយ ស៊ីណុល បានមានប្រសាសន៍ថា ភ្ញៀវដែលទៅទស្សនារមណីយដ្ឋាននេះ មួយភាគធំច្រើន ឡើងទៅលើខ្នងភ្នំ ដើម្បីមើលទេសភាព ស្រូបយក ខ្យល់អាកាសដែលមានធាតុត្រជាក់ មើលពពកវិល និងមើលសំណង់អគារចាស់ៗដែលបន្សល់ទុកមកពីជំនាន់មុន។
កាលពីរដូវបុណ្យចូល ឆ្នាំខ្មែរ ឆ្នាំមុន រមណីយដ្ឋានព្រះមុនីវង្សបូកគោ ដែល
ស្ថិតនៅចម្ងាយប្រមាណ៨គីឡូម៉ែត្រ ពីទីរួមខេត្តកំពត
ហើយមានផ្លូវឡើងដល់ទៅប្រមាណ៣២គីឡូម៉ែត្រ ចាប់ពីជើងភ្នំ
ទៅដល់ខ្នងភ្នំខាងលើនោះ
ទទួលបានភ្ញៀវ-ទេសចរទៅលេងកម្សាន្តសរុបចំនួនតែ២១.៨៩២នាក់ ក្នុងនោះ
ភ្ញៀវទេសចរបរទេសមានចំនួន៤៧១នាក់។
No comments:
Post a Comment